Perpustakaan Bung Karno iku manggon ing Jalan Kalasan nomer 1 Kutha Blitar. Ing kono awake dhewe bisa maca-maca buku ngenani ajaran-ajaran Bung Karno uga bias ziyarah ing makame Bung Karno jalaran panggone gandheng karo makame Bung Karno. Ing ngarep dhewe ana patung Bung Karno, dene sisihe ana blambangan taman kang bisa nambahi endahe sesawangan. Artikel ing dhuwur kalebu teks … a. Eksposisi b. dheskripsi c. persuasi d. narasi e. argumentasi

B. Dheskripsi Teks dheskripsi yaiku sawijinjng gancaran kang diandharake kanthi cara nggambarake objek, panggon, utawa kedadeyan nganti rinci supaya para pamacane kaya-kaya bisa nyawang/ngrasakake objek sing dicritakake panulis. Teks ing ndhuwur nggambarake kanthi cetha perpustakaan Bung Karno kang panggonane gandheng karo makame Bung Karno. Ing sisihe ana taman kang dicritakake endah disawang. Teks iki nglebokake unsur panca indra kayata mripat (sesawangan), sing dadi tetengere teks dheskripsi.