Tegese agama ageming aji

Hai, kak Wahyu K. Terima kasih telah bertanya di Roboguru Kakak bantu jawab ya.. Tegese agama ageming aji adalah agama minangka klambi utawa rasukan diri manungsa kanggo nggayuh kamulyan. Mari kita simak penjelasan berikut. Pitutur Jawa yaiku unen-unen saka wong Jawa sing dinut dening wong Jawa lan sakiwa-tengene kanggo nata urip ing masyarakat. Akeh maceme pitutur lan cara nyampekake. Salah sawijine lumantar tembang. Jaman biyen, tembang macapat mligine digunakake kanggo sarana mulangake kawruh lan pitutur. Salah sawijine pitutur sing kondhang yaiku 'agama ageming aji'. Pitutur kasebut pethikan saka tembang macapat Pupuh Pangkur serat Wedhatama karyane KGPAA Mangkunegara IV. Mingkar mingkuring angkara (adohana sifat angkara) Akarana karenan mardisiwi (amarga bakal nduwe lan mulang kawruh marang anak) Sinawung resmining kidung (diupaya kanthi cara dilagokake) Sinuba sinukarta (dirumat kanthi endah, bagus, ayu lan rapi) Mrih kretarta pakartining ngelmu luhung (supaya bisa mangerteni ngelmu sing luhur) Kang tumrap neng tanah Jawa (sing kanggone wong ing tanah Jawa) agama ageming aji (yaiku agama dadi klambine diri pribadi nuju kamulyan) Pitutur 'agama ageming aja' kasusun saka tembung agama tegese kapitayan saben manungsa, ageming saka tembung ageman tegese klambi utawa rasukan. Dene aji tegese wong sing mulya. Mula pitutur kasebut nduweni teges agama minangka klambine manungsa kuwi nduduhake kamulyane manungsa kasebut. Bisa uga ditegesi kanthi nganut marang agama, manungsa bisa nggayuh kamulyane. Jadi, agama ageming aji tegese agama minangka klambi utawa rasukan diri manungsa kanggo nggayuh kamulyan. Semoga membantu ya.. :)