Mawa peti dina sundung Ditumpangan ku karanjang Pangarti teu beurat nanggung Kalimah anu merenah pikeun ngalengkepan sisindiran di luhur nyaéta….. a. Tapi mangpaatna langgeng c. Teu cara boga emas b. tapi mangpaatna panjang d. moal eureun mun can lulus Eusi tina sisindiran di luhur nyaeta…. a. nungtut elmu c. beurat nanggung b. manggul peti d. di tumpangan karanjang

Jawaban: b. tapi mangpaatna panjang Milih b. tapi mangpaatna panjang alatan dina sisindiran engang tungtung dina padalisan kadua kudu sarua jeung engang tungtung dina padalisan kaopat. Engang tungtung padalisan kadua nya éta 'jang' ku kituna padalisan kaopat gé kudu 'jang' deui. Nu cocog jeung aturan di luhur nya éta 'panjang' upama dirucat jadi pan-'jang' sarua jeung karanjang nya éta upama dirucat jadi ka-ran-'jang'. Salian ti éta sisindiran umumna aya dalapan engang unggal padalisan. Jawaban anu b engangna aya dalapan, sok geura ku urang rucat ta-pi-mang-pa-at-na-pan-jang = 8 engang. Nurutkeun pedaran di luhur ku kituna jawaban pangbenerna nya éta b. tapi mangpaatna panjang Jawaban: a. nungtut elmu Cara nangtukeun eusi sisindiran urang perhatikeun baé padalisan katilu jeung kaopat nya éta pangarti teu beurat nanggung (padalisan katilu) jeung tapi mangpaatna panjang (padalisan kaopat). Kecap pangarti di dieu hartina élmu. Sisindiran di luhur téh eusina nitah urang sangkan nungtut élmu da mawa élmu mah moal beurat malah nu aya mangpaatna panjang. Nurutkeun pedaran di luhur ku kituna jawaban pangbenerna nya éta a. nungtut élmu.