contoh pranata adicara bahasa Jawa lengkap dengan strukturnya!

1. PURWAKA Assalamu'alaikum wr. Wb. Para pepundhen, para pinisepuh saha kasepuhan ingkang dahat pinundhi-pundhi, para pangrembaka praja ingkang dahat minulya, bapak saha ibu para rawuh ingkang tansah kinurmatan. Kula minangka sesulihing gati ngaturaken sugeng rawuh dhumateng panjenengan sedaya ing pahargyan temanten puniki. Puja-puji syukur konjuk ing ngarsanipun Gusti ingkang murbeng dumadi awit sih lan wilasanipun kita saged kempal wonten ing mriki. Sholawat saha salam kalimpahaken dhumateng junjungan kita nabi Muhammad SAW ingkang sampun maringi pepadhang kangge kita sedaya inggih menika agami Islam. 2. ISI Para rawuh ingkang minulya. Kula minangka pranata adicara keparenga badhe ngaturaken reroncening tata adicara ingkang sampun rinancang inggih menika: 1. Pambuka 2. Waosan kitab suci Alquran 3. Atur pambagya harja saking kulawarga 4. Tanggap wacana saking kulawarga temanten kakung 5. Tanggap wacana saking kulawarga temanten putri sesorah 6. Dedonga utawi panutup Minangka pambukaning adicara ing wekdal menika sumangga sesarengan maos basmallah. Dhumateng para rawuh ingkang ngrasuk agami sanes kula sumanggakaken miturut kapitadosanipun piyambak-piyambak. Sumangga kula dherekaken. Cekap matur nuwun Adicara ingkang kaping kalih inggih menika waosan kitab suci alquran ingkang badhe dipun salirani dening sedherek Zainul Iksan. Sederek Zainul Iksan kula sumanggakaken. Maturnuwun dhumateng sedherek Zainul Iksan ingkang sampun ngayahi jejibahan maos alquran mugi-mugi amal panjenegan pikantuk lelintu saking Gusti kinarya jagad amin ya roball alamin. Para rawuh ingkang minulya, ngancik adicara salajengipun inggih menika atur pambagyaharja saking kulawarga ingkang badhe dipun salirani dening Bapak Sumantri Warsito. Dhumateng Bapak Sumantri Warsito kula sumanggakaken. Maturnuwun dhumateng Bapak Sumantri Warsito ingkang sampun paring atur pambagya kangge kita sedaya. Mugi adicara menika pinaringan rahayuning Gusti Allah melai wiwitan dumugi pungkasan. 3. WASANA Bapak saha ibu para rawuh ingkang pantes sinudarsana, adicara saking wiwitan ngantos dumugi pungkasan sampun katindhakaken, sakderengipun paripurnaning adicara keparenga kawaosaken donga mugi adicara ingkang sampun kaleksanan menika tinebihna saking sambekala. Mekaten kalawau lelampahing adicara, purnaning adicara kula minangka pranata adicara menawi woten atur ingkang kirang mranani penggalih kula nyuwun agunging pangaksami Nuwun Wassalamualaikum wr wb.