Babasan atawa paribasa anu nuduhkeun kana pang jurung laku hadé nyaéta….

Jawaban: unggal babasan atawa paribasa anu dimimitian ku kecap "kudu" asup kana babasan atawa paribasa pangjurung laku hadé. Contona kudu hadé gogog hadé tagog hartina hadé basa jeung hadé tingkah lakuna. Babasan nurutkeun buku Ulikan Semantik Sunda karangan Drs. Yayat Sudaryat, M. Hum. nya éta ungkara basa winangun kecap (kantétan) atawa frasa anu susunanana geus matok sarta ngandung harti injeuman. Paribasa nurutkeun buku Ulikan Semantik Sunda karangan Drs. Yayat Sudaryat, M. Hum.nya éta ungkara winangun kalimah (klausa) nu kekecapan, katut susunanana geus matok, tur maksudna geus puguh, biasana ngandung harti babandingan atawa siloka lakuning hirup manusa. Ditilik tina eusina, babasan atawa paribasa dibagi tilu nya éta 1. wawaran luang eusina ngandung maksud pikeun jadi picontoeun atawa pieunteungeun, 2. panyaram lampah salah eusina ngeunaan larangan nu dicirian ku kecap "ulah", jeung 3. pangjurung laku hadé eusina panitah sangkan urang ngalakukeun hiji hal nu dicirian ku kecap "kudu". Nurutkeun pedaran di luhur ku kituna jawabanana nya éta unggal babasan atawa paribasa anu dimimitian ku kecap "kudu" asup kana babasan atawa paribasa pangjurung laku hadé.