Pertanyaan

Ayahni Tata khik Sila wat tellu muaghi ghik ghua nakbai. Sai tua yakdo ayahni Tata, geghalni Heri. Lamon anjak bundani Tata, wat enom keminan ghik ghua kemaman sai unyinni ghadu bela kawin. Bundani Tata diughau ulih kaban nakakni jama ughauan uncu. Sekelik Tata ghik Sila nayah ulih anjak pihak keluarga ayahni sangun ghamik, apilagi anjak pihak Bundani wat enom kelepah ghik ghua puwaghi. Ghani Minggu pagi Tata ghik Sila bersiap-siap haga lapah mit lamban datukni di tiyuh Merakbatin. Unyin sai haga diusung ghadu tekughukko delom bagasi mubil. Tiyan ghua kelepah mak lupa ngughukko munih pedatong guai keminan tiyan. Tata jama Sila wat keminan ghik kemaman sai umaghni mak jawoh biga jama Tata. Keminan tiyan diughau biksu ghik kemamanni diughau pakcik. Sewaktu ampai tigoh di lamban datuk, Tata laju nyippok atuni, kidang mak tungga ulih cawa datuk atuni lagi lapah pengajian. Ghena munih jama Rara, keminan tiyan lagi mak ngedok di lamban. Saat sina sai wat di lamban Cuma datuk, pakik Rohim ghik pak ngah Helmi sai lagi ngedandan motor. Tata dilulih jama pak ngah Helmi bahwa tiyan ghatong Sila diantakko ayahni. Pepigha munni menah atu jama biksu Rara makkung juga mulang, akhirni Tata ngajak ayahni mulang ulih ia kak bejanji jama kenubini, Nadi ghik Alin. Setemonni Tata makkung haga mulang. Ia lagi betah begughauan jama pakcik Rohim ghik Sila adikni kidang waktuni haga lapah belajagh langui kak haga tigoh. Ghasa mak bangik jama kaban kenubini. Tata ngajak ayahni mulang. Ia ngejelasko jama ayahni bahwa ia kak bejanji jama tiyan sina. Mak bangik ghasani lamon sappai mak tepat janji, api lagi lamon jama cik Alin sai ngeghupako kenubi anjak kelepah bundani sai tuha.

Ikuti Tryout SNBT & Menangkan E-Wallet 100rb

Habis dalam

01

:

13

:

19

:

01

Klaim