Aya tilu tahapan dina ngalaksanakeun wawancara tèh nya èta… a. Tatahar,ngalaksanakeun wawancara, nyusun hasil wawancara b. Nyieun tema, nataharkeun pakakas dina wawancara, c. Bubuka, eusi , panutup d. Nyieun daptar patalèkan, nyieun hasil wawancara, jeung ngapublikasikeun hasil wawancara. e. Nyieun susunan patalekan, wawancara jeung ngadamel resume tina wawancara

Jawaban: a. tatahar, ngalaksanakeun wawancara, nyusun hasil wawancara. Wawancara nya éta paguneman antara dua urang atawa leuwih sarta lumangsung antara nu diwawancara jeung nu ngawawancara. Dina wawancara aya tilu tahapan nya éta (1) tahap tatahar, (2) ngalaksanakeun wawancara, jeung (3) nyusun hasil wawancara. 1. Tahap tatahar ngawengku nangtukeun jejer wawancara, nangtukeun tujuan wawancara, nangtukeun narasumber, ngararancang pertanyaan, nyusun daptar pertanyaan, pakakas ngawawancara, persiapan séjén, jeung nyieun jangji. 2. Tahap ngalaksanakeun wawancara. Dina tahap ieu urang prung ngawawancara. Nalika wawancara urang kudu merhatikeun aturan nalika wawancara. 3. Tahap nyusun hasil wawancara ngawengku nyalin hasil wawancara, milih bahan tuliseun, ngarobah basana, jeung nuliskeun hasil wawancara. Nurutkeun pedaran di luhur ku kituna jawaban nu bener nya éta a. tatahar, ngalaksanakeun wawancara, nyusun hasil wawancara.